Upplýsingatafla

2. umferðar Íslandsmóts í torfæru 2024

18. maí 2024

Dómnefnd barst erindi frá keppnisstjóra um að starfsmaður í pitti hafi alls 7 sinnum staðið sama liðsmann keppanda númer 37, Gísla Magnússon, að því að aka að því er hann taldi, augljóslega langt umfram það sem talist gæti gönguhraði á pittsvæði og uppröðunarsvæði. Í sumum tilfellum hafi aksturinn verið ógætilegur.

Starfsmenn keppninnar hafi veitt liðsmanninum ítrekaða áminningu og lofaði hann að bæta ráð sitt en hélt eftir sem áður uppteknum hætti.

Niðurstaða

Dómnefnd tók málið upp við liðsstjóra keppandans sem gekkst við því að verið gæti að um óþarflega hraðan akstur hafi verið að ræða. Fyrir liggi þó engar mælingar á aksturshraðanum en hjólið sem um ræðir segir hann að geti ekki náð meira en 20 km/klst hraða.

Í keppnisgreinarreglum AKÍS um torfæru er að finna eftirfarandi grein:

3.1.5 Ökutæki skal aldrei ekið hraðar en á gönguhraða á fráteknum svæðum utan þrauta og reynsluaksturssvæðis.

Þar sem mat pittstarfsmanns er að aksturshraði hafi verið meiri en talist gæti gönguhraði og í ljósi þess að aðstoðarmaðurinn mótmælti því ekki að ekið hafi verið of hratt, verður að telja að aðstoðarmaður keppandans hafi í þessu tilfelli brotið keppnisgreinarreglu 3.1.5.

Í Reglubók FIA kemur fram að:

9.15.1 Keppandi ber ábyrgð á gjörðum eða aðgerðaleysi allra einstaklinga sem honum tengjast eða þjóna í tengslum við keppni eða mót, sérstaklega beinum eða óbeinum starfsmönnum, ökumönnum, þjónustuliði, ráðgjöfum, þjónustuveitendum eða farþegum sem og hverjum þeim sem keppandi hefur veitt aðgang að fráteknu svæðunum.

Úrskurður

Keppanda númer 37 er veitt áminning fyrir brot á reglu 3.1.5 í keppnisgreinarreglum AKÍS fyrir torfæru á grundvelli reglu 9.15.1 í Reglubók FIA.

Áfrýjun

Keppanda er bent á rétt sinn til að áfrýja úrskurði dómnefndar samkvæmt grein 15 í Reglubók FIA.

Dómnefnd                        Dómnefnd                        Dómnefnd

Þorsteinn Jónsson                Baldvin Hansson                Ásta Andrésdóttir

Formaður

Tilkynning

Dómnefnd er með til skoðunar mál sem varðar bráðabirgðaúrslit keppninnar. Úrslit keppninnar verða ekki staðfest fyrr en að lokinni meðferð þess máls.

Dómnefnd                        Dómnefnd                        Dómnefnd

Þorsteinn Jónsson                Baldvin Hansson                Ásta Andrésdóttir

Formaður

Bráðabirgðaúrslit - Sérútbúnir

Bráðabirgðaúrslit - Sérútbúnir götubílar

Keppnisstjóri

Valdimar Valdimarsson

Sérútbúnir - stigin í sjöttu þraut

Sérútbúnir götubílar - stigin í sjöttu þraut

Stigavörður

Ingimundur Helgason

Sérútbúnir - staðan eftir fimmtu þraut

Sérútbúnir götubílar - staðan eftir fimmtu þraut

Stigavörður

Ingimundur Helgason

Sérútbúnir - stigin í fimmtu þraut

Sérútbúnir götubílar - stigin í fimmtu þraut

Stigavörður

Ingimundur Helgason

Sérútbúnir - stigin í fjórðu þraut

Sérútbúnir götubílar - stigin í fjórðu þraut

Stigavörður

Ingimundur Helgason

Sérútbúnir - stigin í þriðju þraut

Sérútbúnir götubílar - stigin í þriðju þraut

Stigavörður

Ingimundur Helgason

Sérútbúnir - stigin í annarri þraut

Sérútbúnir götubílar - stigin í annarri þraut

Stigavörður

Ingimundur Helgason

Sérútbúnir - stigin í fyrstu þraut

Sérútbúnir götubílar - stigin í fyrstu þraut

Stigavörður

Ingimundur Helgason

Skýrla frá Ingólfi Arnarsyni skoðunarmanni aði öll keppnistæki fá rásheimild

Dómnefnd                        Dómnefnd                        Dómnefnd

Þorsteinn Jónsson                Baldvin Hansson                Ásta Andrésdóttir

Formaður

Atvik á Sindra torfæru AÍNH á Hellu 11. maí 2024

Stjórn AKÍS barst erindi frá keppnisstjóra Sindra torfærunnar þar sem bent er á meint brot ökumanns keppanda númer 69 á fyrirmælum gefnum á keppendafundi. Stjórnin vísaði erindinu áfram til dómnefndar KFC torfærunnar sem tekur það nú fyrir.

Atvikalýsing er með þeim hætti að eftir akstur í fyrstu þraut ók ökutæki #69 frá þrautasvæðinu upp að pittsvæði á hraða sem ekki getur talist gönguhraði með malaraustri og grjótkasti. Bent er á því til staðfestingar, upptöku af útsendingu frá keppninni þar sem, á mínútu 17:45, má sjá umræddan akstur.

Eftir samtal dómnefndar við keppnisstjóra, Kára Rafn Þorbergsson, kemur fram að starfsmenn hans staðfesta að grjót fór í sjúkrabifreið og gekk yfir nærstadda þegar ökutækinu var ekið af þrautasvæðinu.

Eftir skoðun dómnefndar á myndbandsupptökunni telur hún sannað að ökutækinu var á þessum tímapunkti ekið yfir gönguhraða. Að auki má sjá umræddan malaraustur. Ekki er talin ástæða til að rengja frásögn starfsmanna Sindra torfærunnar og því talið ljóst að grjót hefur borist í nærliggjandi ökutæki og yfir starfsfólk og aðra ökumenn.

Í keppnisgreinarreglum AKÍS fyrir torfæru segir, í grein:

3.1.5 Ökutæki skal aldrei ekið hraðar en á gönguhraða á fráteknum svæðum utan þrauta og reynsluaksturssvæðis.

Niðurstaða

Dómnefnd úrskurðar, byggt á ofantöldu, að ökumaður keppanda #69, Daníel Gunnar Ingimundarson, hafi brotið reglu 3.1.5 í keppnisgreinarreglum AKÍS fyrir torfæru, með akstri sínum. Með því hafi hann skapað hættu á keppnissvæðinu fyrir nærstadda.

Úrskurður

Ökumaður keppanda #69, Daníel Gunnar Ingimundarson, skal færast niður um eitt sæti í lokaúrslitum torfærukeppni í Íslandsmótinu í torfæru 2024 verði hann uppvís að endurteknu broti á reglu 3.1.5 í keppnisgreinarreglum AKÍS í torfæru. Þennan dóm skal hann taka út í þeirri keppni sem slíkt brot á sér stað, komi til þess, og refsingin því skilorðsbundin út keppnistímabil AKÍS 2024.

Áfrýjun

Keppanda er bent á rétt sinn til að áfrýja úrskurði dómnefndar samkvæmt grein 15 í Reglubókinni.

Dómnefnd                        Dómnefnd                        Dómnefnd

Þorsteinn Jónsson                Baldvin Hansson                Ásta Andrésdóttir

Formaður

Breyting á öryggisfulltrúa og tengilið keppenda

Dómnefnd hefur, að beiðni framkvæmdanefndar, ákveðið að gera eftirfarandi breytingu á starfsmönnum keppninnar.

Hrefna Björnsdóttir og Baldur Gíslason skipta um hlutverk og að lokinni breytingu eru því:

Hrefna Björnsdóttir, öryggisfulltrúi
Baldur Gíslason, tengiliður keppenda

Eftirfarandi breytingar eru því ákveðnar á sérreglum:

Greinar

14.2.3 Öryggisfulltrúi er Baldur Gíslason.

14.2.4 Tengiliður keppenda er Hrefna Björnsdóttir.

breytast og verða

14.2.3 Öryggisfulltrúi er Hrefna Björnsdóttir.

14.2.4 Tengiliður keppenda er Baldur Gíslason.

Dómnefnd                        Dómnefnd                        Dómnefnd

Þorsteinn Jónsson                Baldvin Hansson                Ásta Andrésdóttir

Formaður

Nöfn staðreyndadómara

Við keppnina starfa eftirtaldir staðreyndadómarar:

Jónas Freyr Sigurbjörnsson, þrautadómari

Örvar Már Mikaelsson, þrautadómari

Gunnar Gunnarsson, þrautadómari

Siddi Ben Sigurgeir, staðreyndadómari og ráslínudómari

Jóna Jakobsdóttir, staðreyndadómari og tímavörður

Guðmundur Viðar, staðreyndadómari og tímavörður í pitti

Framkvæmdanefnd

Ingólfur Arnarson, Ingimundur Helgason, Baldur Gíslason og Valdimar Valdimarsson

Breyting á dagskrá

Dómnefnd hefur, að beiðni keppnisstjóra, ákveðið að gera eftirfarandi breytingu á dagskrá keppninnar í öryggisskyni. Með breytingunni gefst keppendum og ökumönnum lengri tími en áður var gert ráð fyrir til brautarskoðunar.

Keppendafundur og brautarskoðun verða haldin klukkan 9:15.

Dómnefnd                        Dómnefnd                        Dómnefnd

Þorsteinn Jónsson                Baldvin Hansson                Ásta Andrésdóttir

Formaður

Rásröð
Þrautir hafa verið lagðar og dregið hefur verið í rásröð.
Hér að neðan má sjá rásröð í öllum þrautum.

Framkvæmdanefnd

Ingólfur Arnarson, Ingimundur Helgason, Baldur Gíslason og Valdimar Valdimarsson

Breyting á dómnefnd

Dómnefnd, að beiðni framkvæmdanefndar, gerir eftirfarandi breytingu á sérreglum keppninnar. Sigurjón Andersen fer úr dómnefnd og í hans stað tekur sæti Ásta Andrésdóttir.

Sérreglur breytast því þannig:

Grein 14.1.1 var: Dómnefnd skipa: Þorsteinn Jónsson, sem jafnframt er formaður, Baldvin Hansson og Sigurjón Andersen.

Grein 14.1.1 verður: Dómnefnd skipa: Þorsteinn Jónsson, sem jafnframt er formaður, Baldvin Hansson og Ásta Andrésdóttir.

Fyrir hönd dómnefndar

Þorsteinn Jónsson

Formaður

Breyting á ökumanni

Framkvæmdanefnd hefur heimilað eftirfarandi breytingu á ökumanni. Ökutæki með keppnisnúmer 37, Rollan, sem skráð var með ökumann Pál Skjóldal Jónsson verður ekið af Óskari Ólafi Björnssyni.

Framkvæmdanefnd

Ingólfur Arnarson, Ingimundur Helgason, Baldur Gíslason og Valdimar Valdimarsson

Aðgengi að pittsvæði

Keppnishaldari mun gera pittsvæði aðgengilegt keppendum á milli klukkan 19:00 og 21:00 föstudaginn 17. maí næstkomandi. Þá geta þeir sem vilja komið tækjum og búnaði á svæðið. Pitturinn opnar svo klukkan 7:30 á keppnisdag, laugardaginn 18. maí.

Athugið að engin gæsla er á svæðinu og allur búnaður og tæki eru á ábyrgð þeirra sem þau eiga! Jafnframt er rétt að taka fram að svæðinu er lokað með hliði þannig að ekki er hægt að komast að tækjunum eða sækja þau á milli kl. 21:00 á föstudag og 7:30 á laugardag.

Framkvæmdanefnd

Ingólfur Arnarson, Ingimundur Helgason, Baldur Gíslason og Valdimar Valdimarsson

Listi yfir aðstoðarmenn

Samkvæmt grein 3.1.4 í keppnisgreinarreglum AKÍS fyrir Torfæru 2024 mega keppendur hafa allt að átta aðstoðarmenn inni á pittsvæði. Rétt er að minna á að keppandi ber á fulla ábyrgð á aðstoðarmönnum sínum, aðgerðum þeirra og framkomu, alla keppnina.

Til að greiða fyrir aðgöngu aðstoðarmanna á keppnisdag fer keppnishaldari fram á það við keppendur að þeir sendi lista yfir nöfn aðstoðarmanna sinna á netfangið adstodarmenn@racecontrol.is eigi síðar en á hádegi föstudaginn 17. maí 2024. Þeir aðstoðarmenn sem ekki eru á lista mótteknum fyrir þann tíma mega búast við því að einhvern tíma geti tekið fyrir þá að fá aðgang að keppnisvæðinu á meðan staða þeirra er staðfest og þeir skráðir á aðstoðarmannalista viðkomandi keppanda.

Jafnframt þarf að gefa upp nafn liðsstjóra þar sem hann hefur auknar heimildir, umfram aðra aðstoðarmenn, samkvæmt keppnisgreinarreglum.

Gætið að því að í tölvupóstinum þarf að koma skýrt fram fyrir hvaða keppanda hann gildir.

Framkvæmdanefnd

Ingólfur Arnarson, Ingimundur Helgason, Baldur Gíslason og Valdimar Valdimarsson